Sunday, June 21, 2009

DYNACOIL



DYNACOIL - Dynamic Concept Illustated....isang home study program na itinatag ni Mr. Nestor Malgapo....na isang beteranong comics artist. Taong 1990 ng akong mag-enroll thru correspondence o sa pamamagitan ng sulat...ang mga lesson na itinuturo niya ay mababasa sa kaniyang mga libro...mula sa book 1 hanggang book 10. Ang bawat libro ay may kaukulang assignment na kailangang tapusin ng isang estudyante...upang maipadala ang sketch o drawing assignment sa pamamagitan ng koreo...at ibabalik ito sa estudyante sa parehong paraan na lakip ang grado. A -excellent ,B -good, C- better, D-failed. Sinunggaban ko ang opurtunidad na ito noon dahil ang nais ko talaga' y maging isang magaling na komiks illustrator dahil totoong maliit pa ako'y pagguhit na ang aking nais.

Marami rin akong natutunan sa pag-aaral kong ito...na improve ang aking kakayahang bumuo ng imahe ng tao...ang tamang posisyon ng katawan...galaw ng kamay at paa...at maging ang kailangang emosyon ng bawat karakter ayon sa sinasabi ng eksena.Gayunpaman marahil ay sadyang hindi para sa akin ang pagguhit sa komiks...kaya natuon ang aking interes sa pagsusulat.

Labing siyam na taon na rin ang nakalipas...pero aking itinago at totong iningatan ang mga ala-ala ng ako'y maging isang estudyante sa Dynacoil Home Study Program. Sapagkat bahagi ito ng aking nakalipas. May mga komiks illustrator na alam kong naging estudyante rin ng nasabing programa na nagbukas ng pinto para mapasok ang industriya ng komiks. Wala na ang komiks...kung nasaan man sila ngayon alam kong naging mahalagang bahagi ng kanilang buhay ang natutunan sa nasabing Home Study Program.

Sa ngayon...si Mr. Nestor Malgapo ay patuloy pa ring naibabahagi ang kaniyang angking talino sa pagguhit. Dahil madalas kong makita ang kaniyang mga obra sa isang religious magasin! Wala pa ring pagbabago sa kaniyang mga likha na totoong naroon ang puso at tunay na alagad ng sining!






2 comments:

  1. HI GANIE!!! MY GOD IT FELT SO GOOD TO SEE A CLASSMATE OF MINE SA DYNACOIL...AM ONE OF THE SCHOLARS NI SIR NESTOR MALGAPO WAYBACK 1989.I STILL HAVE MY I.D.AND STILL HAVE MY BOOKS THAT I TREASURED THE MOST.SO YOU HAVE ANY IDEA HOW COULD I REACH SIR NESTOR?UP TO NOW WE ARE STILL LISTENING DRAMA OVER THE RADIO AT DZRH.DOWN FROM THE NEWS TILL LOVE CHAT.STRAIGHT YUN EVERYDAY.HMM NANAKAW MGA GRADED ART WORKS KO NA NAKA FILE SAKING CLEAR BOOK.TAAS PA NAMAN NG MGA GRADES KO RUN FROM A-,DOUBLE A,TRIPLE A...SAYANG TALAGA.WAAAAH HEY MY EMAIL AD BY THE WAY IS sregine@rocketmail.com INVITE MO NAMAN AKO OH? YOU ARE A GREAT WRITER ! NICE MEETING YOU HERE.-MS.REGINE V.SALES

    ReplyDelete
  2. Ganie at Regzau49...magkita tayo sa gaganaping Grand Reunion ng mga tagakomiks sa March 11 sa Atlas Canteen sa 21st Ave.(kung di ako nagkakamali) Murphy, Cubao, QC...beginning after lunch.

    ReplyDelete